مصري يبتكر جهاز تكييف من جردل البوية لمواجهة ارتفاع الأسعار..
أمل فرج
درجات_الحرارة المرتفعة والصهد الشديد والرطوبة العالية، بالإضافة إلى أسعار أجهزة_التكييف الباهظة، دفعت بعض المصريين إلى الابتكار والتفكير خارج الصندوق، كما فعل ماهر محمد، الذى صنع مكيف هواء بارد، يدوياً وبأقل التكاليف، من خلال استخدام جردل بلاستيك قديم، وبعض الخامات والأدوات البسيطة، من أجل الحصول على نسمات هواء باردة، تهون عليه وعلى أسرته حر الصيف الشديد.
«جبت جردل بتاع الدهانات قديم، والغطا بتاعه قصيته بشكل مدور على مقاس مروحة عادية عندى، وبعدين عملت فتحتين مدورين من قدام عند الجردل وكوبايتين مدورين برضه وقصيت الكوبايتين من تحت وركبتهم مكان الفتحات فى الجردل، وآخر مرحلة حطيت فى الجردل تلج كتير، ومن فوق ركبت مروحة صغيرة لما بتشتغل بتجيب هوا ساقع»، مؤكداً أن أسعار التكييف مرتفعة جداً ولا يقدر عليها أغلب المواطنين حتى بالتقسيط: «أنا إمكانياتى ماتسمحش، دورت على يوتيوب، وعجبتنى الفكرة وقررت تنفيذها».
