فيديو.. حمو بيكا يكشف حقيقة سقوطه على المسرح بحفله في الرياض

كشف مغني المهرجانات المصري حمو بيكا حقيقة سقوطه من على المسرح خلال حفله الأخير بموسم الرياض 2021 في المملكة العربية السعودية.

حقيقة سقوط حمو بيكا في الرياض

وقال بيكا في فيديو عبر حسابه الرسمي بموقع "انستجرام": " طالع اقول كلمتين للناس اللي مبتحبليش الخير، مسرح ايه اللي أنا وقع عليه، واللي كانت شغاله دي مزيكا اجنبي هو دلوقتي بغني اجنبي، أنا بخير وبسلامة ودلوقتي في السعودية وعندي حفلات هناك".

وتابع :"لقيت أخبار كثيرة، عشان تعرفوا أن الاخبار المصرية بتكدب يعني، هو مش كله، هم الناس اللي بتحب تشوشر على الدنيا وخلاص، وانا بسلامة وبخير، ومش كنت انا اللي في الحفلة دي، ومش أنا وهم بيقولوا بيكا في دبي، أنا في السعودية عندي حفلة هناك".

وأستكمل :"حبيت أوجه رسالة لكل الناس اللي اطمنوا عليا شكر ليكم وبحبكم، وعايز أوجه رسالة للناس اللي بتنفسن عليا وبتبص على عيشة الناس التانية واللي يبص على عيشة الناس تحرم عليه عيشته، واللي بيتكلم عليا كلمه وحشه، هتقعد لعياله ، واللي بيتكلم عليا في الخير بتمنالك كل الخير".

واختتم :"انتظروني غدا مع الشيخ محمد الشماسي في السعودية، أول فرع لبيكا في السعودية وفي دول الخليج في الرياض وجدة، وانتظروا أغنيتي مع عمر كمال ونور التوت في أغنية جديدة، واغنية جديدة مع حمادة الاسمر، وسنة سعيدة عليكم بخير، و2022 سنة سعيدة على كل الناس والمسلمين والمسيحيين وأمي ومراتي وسنة سعيدة عليكم".

وتداول رواد مواقع التواصل الاجتماعى خلال الساعات الماضية فيديو لمطرب تم سقوطه على خشبة المسرح، الأمر الذى اعتقده البعض أنه مطرب المهرجانات حمو بيكا.

أزمة حمو بيكا مع نقابة الموسيقيين المصرية

حمو بيكا طرح يوم الخميس الماضي، عبر قناته بموقع "يويتوب"، مهرجان "ملعونة الفلوس" مع مودي أمين والسويسي، من توزيع مصطفي السيسي.

من ناحية أخرى، أصدرت نقابة المهن الموسيقية الشهر الماضي قرارا بمنع 20 مطربا من مطربي المهرجانات، وكان من بينهم: حمو بيكا، حسن شاكوش، عنبة، كزبرة، حنجرة، مصطفى زكريا محمد على الشهير بـ مسلم، أبوليلة، أحمد قاسم الشهرة فيلو، أحمد موزة، حمو طيخا، ريشة كوستا سمارة، شواحة، ولاد سليم، العصابة، الزعيم، علاء فيفتي، فرقة الكعب العالي، مجدي شطة، وزة مطرية، شكل، عمرو حاحا.

 

 

 

 

 

View this post on Instagram

 

 

 

 

 

 

 

A post shared by Hamo Bika - حمو بيكا (@hamo_beka_official)