خطوة بخطوة .. كيفية التصرف في وحدات الاسكان الاجتماعي بعد انتهاء فترة الحظر

كتب / أشرف الشرقاوي

عد مرور 5 سنوات من تاريخ كتابه عقد شقق الاسكان الاجتماعى يحق للمالك تأجير شقته فى الاسكان الاجتماعى بشكل قانونى دون اى عقبات.

وفى حاله البيع بعد خمس سنوات ايضا لا يوجد اى عقبات ويتم البيع بشكل قانونى بواحده من تلك الطرق :


1: التنازل عن الوحده السكنيه للغير : يتم اصطحاب المشترى الى جهاذ المدينه بعقد الوحده السكنيه والتنازل اليه عن الوحده السكنيه ويتم اخطار البنك الممول ليقوم بأدخال المتنازل اليه مكان المالك الاصلى مع رد جزء من الدعم بفوائده خلال ال5 سنوات التى تم استلام الشقه فيهم

 -2 الذهاب الى البنك الممول وطلب الوفاء بالاقساط او ما يسمى بالسداد المعجل بالكاش وهتلاقى فى اخر صفحه فى عقد شقتك ورقه بتعرفك طريقه السداد المعجل والوفاء بالاقساط بمعنى انك هتشوف البنك عاوز كام ويخلصك وتبقى الشقه خالصه مخلصه متقشره.

طب لو معييش فلوس ادفع باقى المطلوب كاش للبنك اللى سبق وقلنا السداد المعجل اعمل ايه ::: هتشوف المشترى وتاخد منه المبلغ اللى البنك طالبه عشان تخلص باقى فلوس الشقه وبعد ما تخلص مع البنك وتاخد مخالصة وتلغى حظر البيع ساعتها تتحاسب منك للمشترى بعيد عن البنك وتبقى تروح الجهازمع المشترى وتنقل عدادات الكهرباء والمياه باسمه

– 3 البيع من الباطن ( لا ننصح ابدا بهذه الطريقه لانها تجلب الكثير من المتاعب وهى حل غير قانونى ولكن تم ذكره من ضمن الحلول لنحذر منه الناس فقط ويشمل كتابع عقد ابتدائى بين المالك والمشترى ولن يتم تسجيله ولا يوجد ضمانات الا توقيع المالك والمشترى على ايصالات امانه كحفظ للحقوق اما عن البيع القانونى لازم يتم باخطار الصندوق والبنك وجهازالمدينه لانهم اطراف اساسيين فى عقد الشقه ولابد من ارجاع الدعم الحاصل عليه العميل او جزء منه ولا بد ادراج اسم المشترى على قواعد البيانات وحرمانه من التقديم على اى وحده سكنيه لانه هيظهر كمستفيد.

طب لو مش عاوز ارجع الدعم ده خالص وقت البيع اعمل ايه ؟ متبعش شقتك الا بعد مرور 8 سنوات طب لو عاوز اعرض الشقه للايجار قبل ال5 سنين ؟ ممنوع وهتتسحب منك وتضطر تدفع تصالح 25 الف جنيه عشان تاخدها تانى طب لو اتسحبت الشقه هاخد الفلوس اللى دفعتها ؟ اه هتاخدها ماعدا مصاريف فتح الحساب ودفتر الشيكات وفلوس الكراسه وفلوس مصاريف الاستعلام طب الشقه اللى بتتسحب من صاحبها بتروح فين ؟ اما بيعيدوا تخصيصها مره اخرى بعد اصلاح اى تلفيات بها او بيتحفظ عليها جهازالمدينه ومديريه الاسكان للحالات الطارئه الاولى بالرعايه او لمصابى الجيش والشرطه كمنحه من مصابى العمليات الخاصه طب انا اطمن امتى ان خلاص بقا ليا شقه وهستلمها ؟؟؟ بص عشان اكون صريح معاك بس انا مش عاوز اقلقك ::::: متطمنش ان بقا ليك شقه الا لما تمضى العقد وتستلمه فى ايدك لان كتير من الحالات اخدوا رفض فى البنوك للاسف بعد ما نزلهم تخصيص ودفعوا المقدمات لانهم اكتشفوا امتلاكهم وحدات سكنيه طب هما بيعملوا معانا كده ليه ؟ ده ولا اللى بيشحتونا الشقه : حظر بيع واستعلام وسبق استفاده وبيفتشوا ورانا بزياده وضبطيه قضائيه بعد الاستلام … ايه ياعم هو فيه ايه؟ الموضوع ببساطه انك بتستلم شقه تكاليف انشائها بس وتشطيبها هو سعرها كاش اللى هتتحاسب عليه اللى هو 225 الف او 248 الف بعد الزياده 10% اما سعر الارض محدش حاسبك عليه …عشان كده ملكش حصه فى الارض كمان اعمال المرافق والخدمات والبنيه التحتيه محدش حاسبك عليها كمان شبكات الطرق محدش حاسبك عليها كمان فيه دعم 40 الف جنيه لمستحقى الدعم كمان انت بتاخد شقه على 20 سنه بفايده مدعمه 7% لو لفيت العالم مش هتلاقى فايده اقل من كده واتحداك ازاى بس يا عم محمد ده سعر الشقه بيوصل 400 الف بعد 20 سنه.

ايوه فعلا سعر الشقه بيوصل 400 الف بعد 20 سنه بس متنساش ان الشقه دى بعد 20 سنه هتمسك فيها مليون وشويه كمان طب هى العماير دى هتعيش 20 سنه ؟ لا طبعا اللى خللى الانسان له عمر فى الدنيا تبقى المبانى اكيد ليها عمر بس الشقق دى انت لما بتكتب العقد لازم تعرف ان فيه 5 نسخ من العقد ده منهم نسخه معاك ونسخه للبنك ونسخه للصندوق ونسخه للجهاذ ونسخه لمديريه الاسكان معنى كده انك قدام الدوله محدود دخل وليك شقه ولو حصل اى حاجه فى العماره ووقعت بعد الشر انت ليك شقه بنفس الترتيب والتخصيص عشان كده الشقق بتتورث كمان متنساش انك دافع 12 الف جنيه وديعه صيانه بتتحط باسم ملاك كل عماره فى بنك التعمير والاسكان بفوايدهم عشان يرمم اى عماره او يعيد انشائها تانى او تصليح اعمال المرافق ووجهات العمارات والاضاءه وقريب هيخصصوا لكل عماره عامل نظافه من الشركة

تعليقات الفيسبوك