بعد خلعها للحجاب .. صابرين تنهار من البكاء مع عمرو أديب بسبب الهجوم العنيف عليها وسب أولادها ..

أمل فرج

بكت الفنانة صابرين بسبب هجوم البعض عليها لخلعها الحجاب وذلك خلال مداخلة هاتفية مع الإعلامي عمرو أديب في برنامج “الحكاية” المذاع عبر فضائية “mbc مصر”.

وقالت صابرين باكية: “على طول شتايم وسب والسوشال ميديا تعبتني نفسيا، وأنا طول عمري بعمل أدوار محترمة ومربية أولادي تربية محترمة وأنا عمر ما حد اتكلم عني نص كلمة وبقيت بلبس باروكة وإيه اللي عملته غلط في حياتي عشان أتشتم كل شوية وإيه ذنب أولادي إنهم يتشتموا كل شوية ويتسبوا بيا من ناس مش عندهم دين ولا أخلاق”.

وأضافت: “لازم أقول للناس الدين أخلاق ومعاملة وكلمة حق حلوة وابتسامة في وجه أخيك”، متابعة: “بيشتموني وأنا كرهت الناس دي ودي حاجة بيني وبين ربنا ولما أنزل القبر لوحدي محدش هيحاسبني غير اللي خلقني وربنا اللي هيحاسبني وليه محسسني إن ربنا هيمسكنا عشان حتت طرحة ده ربنا رحمن رحيم”.

وواصلت صابرين قائلة: “هو حد شافني وأنا بصلي ولا وأنا بصوم ولا بزكي ولا براعي الأيتام ولا بطلع لله وأنا مبحبش أقول الحاجات دي خالص ولا بجبر خاطر مين”.

تعليقات الفيسبوك