حسن كامي الإنسان الذي لا نعرفة






بقلم : محمد السيد طبق

حسن كامي الإنسان الذي لا نعرفة..
بعد مازوجته توفت ظهرت رسايل كان بيبعتها الفنان حسن كامي لزوجته علي الفيس بوك يوميا لمدة سنتين والي الان ..

لما كلمته المذيعه مني الشاذلي قالتله 
– احنا بنستغرب يااستاذ حسن ان زوجتك متوفيه من سنتين ولسه بتبعتلها رسايل علي الفيس بوك ..

رد عليها وقالها ليه !؟ كانه بيستغرب من استغرابهم ليه مستغربين اني ببعتلها رسايل لحد دلوقتي؟؟

قالتله ::يعني نجوي مراتك متوفيه من سنتين والي الان بتبعتلها رسايل ليه !

قالها نجوي حاجه مختلفه انا عمري مكنت اتصور ان حياتي معاها انتهت حتي هي قالتلي بعد ماموت اعمل كذا وكذا فقولتلها هو انتي متصوره انك بعد ماتموتي اني هاعرف اعيش ثانيه من بعدك!؟
واديني اهو عايش سنتين بافتكرها ف كل لحظه وكل ثانيه وكل يوم بافكر ابعتلها رساله علي الفيس بوك عشان احس اني معاها وهي معايا وهاتفضل معايا لاخر نبض في قلبي 

عايز اقولك اني ساعات لما باكلمها بافرح وساعات باتأثر وبادمع بس حاسس ان في حاجه الهيه احنا مش عارفينها او مش حاسين بيها بس بافرح اوي لما باكلمها

انا عيشت معاها ٤٠ سنه من الحب والحميميه انا بابعتلها رسايل ببقي عايزها تحس بيا ببقي عايز اروحلها

انا مؤمن جدا انها دورة الحياه وكويس انها مشيت قبلي يمكن كانت هاتتعذب لو مشيت انا قبلها

انا اه اتعذبت اوي بس الحمد لله انها مشيت قبلى

وانا دايما بقول الحمد لله الحمد لله الحمد لله علي النعم الكتير وانا متاكد ان في يوم هي وشريف ابني هايستقبلوني هما الاتنين
️ كان ذلك حديثة قبل وفاتة بأربع سنوات ذهب هو بعدها الي من يثق انهم ينتظرونة ابنة وزوجتة.. لعلة علي الأرائك معهم الأن فذلك القلب النابض بالحب وتلك الأخلاق التي تحلي بها الإنسان حسن كامي تؤكد لنا ان الله قد منحة صبرا جميلا لا يمنحة إلا لعبادة المقربين ..والله اعلي وأعلم .. رحم الله حسن كامي






تعليقات الفيسبوك